پیروان خط ولایت فقیه پاکستان

خواتین ومردحضرات ! جیساکہ آپ جانتے ہیں مجھے قابلیت کاہیضہ ہے............ بلکہ یوں کہنامناسب ہوگاکہ قابلیت کاڈینگی ہے یعنی میں جب چاہوں جسے چاہوں اپنے علم کاڈنگ مارکرادھ مواکردیتاہوں اور وہ میرے ڈنگ سے نہ دین کارہتاہے اوردنیاکا،صحیح نالج نہ ہونے کے باوجودمیرے اردگرداندھے عقیدتمندوں کاٹھاٹھیں مارتاہواسمندرموجزن رہتاہے جس کی لہریں اکثربے قابوہوکرسونامی کاروپ دھارلیتی ہیں اوربڑے بڑے پھنیرعالموں کونگل جاتی ہیں کوئی روکنے ٹوکنے والانہیں اورمجھے کوئی روک بھی کس طرح سکتاہے کیونکہ میں تومعاشرے میں ایک عظیم اسلامی سکالرکے طورپرپہچاناجاتاہوں۔ابھی چند دنوں کی ہی توبات ہے کہ جب میں نے اپنی قابلیت کے بیش بھاخزانے کو کھولتے ہوئے پوری قوم کی توہین میں کہا کہ جس طرح فوجی ٹریننگ کے دوران پتلے کو گولی مار کر نشانہ بازی کی ٹریننگ دی جاتی ہے
اسی طرح آج دشتگردوں کو ٹریننگ میں شیعہ کو مار کر ماہر بنایا جاتا ہے کیونکہ آج کا شیعہ
ایک پتلا بن چکا ہے جسکو جتنی بھی گولیاں ماریں کوئی رد عمل نہیں دکھاتا ... تو کسی نے بھی مجھ سے کوئی سوال نہ کیاکہ مولاناآپ یہ کہہ رہے ہیں !کیاآپ کوکراچی کے مومنین کاگونرہاؤس کے سامنے ٹھاٹھیں مارتاہواسمندرنظرنہ آیا؟ کیاآپ کوخیرپورسندھ کے مختلف دھرنے نظرنہیں آئے؟ کیاآپ کوعلی پور اوررحیم یارخان کے احتجاجی اجتماع نظرنہیں آئے؟کیاآپ سانحہ کوہستان پرگلگت بلتستان کی شیعہ عوام کے انقلابی اندازمیںاسلامی بیداری کی لہرکونظراندازکرسکتے ہیں؟کیاآپ نے پاکستان کی شیعہ قوم کو مردارقراردے کرپورے مکتب اہلبیت کی توہین نہیں کی؟
جی ہاںاتنے بڑے بڑے قومی اقدامات کے باوجودمیرا اندازانوکھاہوتاہے جب چاہوںاپنی قابلیت کاکرشمہ دکھاکرملت کے اتحادکوبکھیرنے کی کوشش کرتا ہوں ،اب ذرامیری ذرایہ سوچ بھی ملاحظہ ہوکہ پاکستان کے علماء کبار،پوری دنیاکے علماء اعلام اورسیاسی مذہبی رہنماؤں سمیت ولی امرمسلمین کاکہناہے کہ دنیا بھر بالخصوص عرب کنٹری میں بیداری کی لہر،اسلامی لہرہے اوراسی بنیادپرآپ کے اشارے سے دنیاکے اسلامی وانقلابی مرکزتہران میں اسلامی بیداری کے عنوان سے انٹرنیشنل کانفرنس کاانعقادکیاگیا اورولی امرمسلمین حضرت آیةاللہ العظمیٰ سیدعلی خامنہ ای نے تاریخی خطاب بھی کیامگرمیری انوکھی سوچ ہے کہ یہ اسلامی بیداری نہیں بلکہ اقتصادی بیداری ہے اوراس موضوع پر میں نے کئی خطابات بھی کئے اورمیرے اس انوکھے اندازپر بھی کسی نے مجھے ٹوکانہیںکہ مولاناآپ کایہ انقلابی اندازتوپوری دنیاکے رہنماؤں اورقائدین سے الگ ہے ،آپ دنیاکے قائدین سے الگ تھلگ کیوں ہیں؟

ان تمام باتوں سے بڑھ کرمیں نے یہ تک کہہ دیا کہ تقلیدکی کوئی حقیقت نہیں صرف ولی فقیہ کی اطاعت کریں! اس پربھی کوئی ایکشن نہیں لیاگیااورکوئی ایکشن بھی کیونکرلے سکتاہے کیونکہ مجھے اطمینان کامل ہے کہ جو میرے مدمقابل سوچ رکھنے والاحلقہ احباب ہے وہ اپنے مثبت کرداراورامت کے اتحادکی خاطراس قسم کے مسائل میں خاموشی سے رہنے کوترجیح دیتاہے اوران کے محبوب قائدکی بھی یہی پالیسی ہے کہ قوم کے منفی مسائل میں نہ الجھیںاوراپنی مثبت پالیسی کے تحت قومی خدمت میں مصروف رہیںاورجوانکااینٹی گروپ ہے انکی حالت زاربھی مجھ سے بہترنہیں وہ بھی میری طرح نام ونمودکے پیچھے ہیں اور مفادات کی جنگ لڑرہے ہیں ،ان کا بھی میری طرح کہناہے کہ پاکستان میں شیعہ قوم مردہ ہوچکی ہے اورجب سے ہم نے وحدت کی قیادت سنبھالی ہے تو قوم میں بیداری آئی ہے اورہم نے قوم کوولی فقیہ کانظام سمجھایااورولایت کاصحیح راستہ دکھلایااس سے پہلے لوگوں کو ولی فقیہ کی اہمیت کاعلم نہ تھا! توان سے بھی کوئی پوچھنے والانہیں ہے کہ آپ نے اپنے اس جملہ سے قائدشہیداورڈاکٹرمحمدعلی نقوی سے لے کرتمام علماء کرام کی محنتوں کاقتل کیاہے! ان سے بھی کوئی سوال کرنے والا نہیں کہ کراچی میں شہیدحسن ترابی اورعلامہ فاضل حسین موسوی، سندھ میں علامہ حیدرعلی جوادی،پنجاب میں محسن ملت علامہ سیدصفدرحسین نجفی، علامہ سید محمدتقی نقوی جیسے دسیوں علماء کرام ،گلگت میںشہید ضیاء الدین رضوی ،،بلتستان میں علامہ حسن جعفری،پاراچناراورپشاورمیںقائدشہید،بلوچستان میں علامہ یعقوب توسلی وغیرہ جبکہ پاکستان بھرمیںڈاکٹرمحمدعلی نقوی کی محنت تھی اور ملتان،جنوب پنجاب اور راولپنڈی اسلام آبادمیں قائدملت جعفریہ حضرت علامہ سیدساجدعلی نقوی نے ولایت فقیہ کے نظام کواجاگرکیاجواس وقت سب کے سب تحریک جعفریہ سے وابستہ تھے اس طرح سے درحقیقت نظام ولایت فقیہ کوروشناس کرانے میں تحریک جعفریہ کااہم کردارہے اگرانہیںتاریخ نہیں معلوم توامامیہ آرگنائزیشن کے سرکردہ لیڈران سے معلوم کریں کہ کس طرح رات بھرجاگ کر علامہ سیدساجدعلی نقوی سے ولایت فقیہ پرسیرحاصل معلومات لیاکرتے تھے،لیکن مجھے تونہایت افسوس سے کہناپڑتاہے کہ جن لوگوں کے لیڈران ولایت فقیہ کی تمام ترمعلومات علامہ سید ساجدعلی نقوی سے حاصل کیاکرتے تھے آج وہ علامہ ساجدعلی نقوی کوولایت فقیہ سمجھانے کی احمقانہ سوچ رکھتے ہیں!
بہرحال بات ہورہی تھی قابلیت کے ہیضہ کی تومجھے کبھی ہضم نہیں ہوتاکہ کوئی میرے سامنے مخالف نظرئے پر گفتگوکرتے ہوئے اس کی مجھ سے تائید لے سکے کیونکہ میں تواپنی قابلیت کابادشاہ ہوں،میری معلومات انوکھی ہیں،میراطرزبیان انوکھاہے ،میں توحالات کاموازنہ کئے بغیر مرجع عالیقدرسیدعلی سیستانی اور ولی امرمسلمین سیدعلی خامنہ ای سے بھی بڑھ کر پاکستان میں انقلابی تحریک کاقائل ہوں،میں توکہتاہوں کہ پاکستانی قوم کو ایک ایساانجیکشن لگایاجائے کہ ایک دن میں ہماری قوم پوری دنیاکوفتح کرلے اورسیدحسن نصراللہ بھی ہماری فورس میں شامل ہوجائیں۔
لیکن کوئی توآکرمجھے سمجھائے ،میرے جذبات واحساسات کوٹھنڈاکرے ،انقلاب کے گرم جوشی سے انگارے کی طرح تپتے ہوئے میرے سینہ پرہاتھ رکھے کہ اے قوم کے عظیم سکالرتجھے یہ بھی معلوم ہوناچاہئے کہ لبنانی قوم بے پناہ قربانیاںدے کر حزب اللہ بنی ہے علماء جبل عامل کے خون سے لبنان کی سرزمین رنگین ہے ، ایران کے اندرایک دن میں انقلاب نہیں آیاامام خمینی رحمة اللہ علیہ نے چودہ سال جلاوطنی کی زندگی بسرکی ، انقلابی تحریک کے دوران لاکھوں جنازے اٹھائے ، قم ،تبریزاورتہران میں آئے دن سیکڑوں جنازے اٹھائے گئے ،امام کی تحریک سے پہلے سیدحسن مدرس جیسے کئی علماء کوقتل کیا گیا ،سیدفضل اللہ نوری اورسیدنواب صفوی جیسے انقلابی قائدین کوسولی پرلٹکایاگیاتب جاکرانقلاب آیامگران تمام ترحالات کے باوجودعلماء صبرکی تلقین کرتے رہے ہیں۔ ذراہمیں بھی صبرسے کام لیناچاہئے،حسینیوں کی نظرہدف پرہوتی ہے اورجواپنے بلندوارفع مقام تک پہنچناچاہتے ہیں ناگزیرانہیں قربانیاں بھی دینی پڑتی ہیں، جنازے اٹھانے پڑ تے ہیں ،تب جاکرکامیابی نصیب ہوتی ہے، ہم ان ائمہ کے پیروکارہیںجن کاسلسلہ مامنامقتول اومسموم سے ہے ہمارے ائمہ شیعوں کے جنازے اٹھاتے رہے مگرصبرکی تلقین کی ،صدیقہ طاہرہ سیدہ زہراپرمصائب کے پہاڑآئےمگرحالات کاموازنہ کرتے ہوئے امیرکائنات علی علیہ السلام نے سیدہ کوصبرکی تلقین کی ،کبھی بھی جذبات میں آکر انتقام کاحکم نہیں دیا،کربلاکی مقدس مشن کوبچانے کے لئے سیدہ ثانی زہرانے مصائب برداشت کئے اورصبرکیاتب جاکرمقصدکربلا کوکامیابی نصیب ہوئی،حجاج ابن یوسف کے دورمیں شیعیان حیدرکرار کے خون اورجسم اطہرسے دیواریں چنیں گئیں مگرائمہ سب کچھ برداشت کرتے رہے اورصبرکی تلقین کی ، تاریخ تشیع مظالم اورمصائبوں سے رنگین ہے اس کے باوجودائمہ اوروقت کے قائدین نے صبرکی تلقین کی ، عراق کے اندرتشیع کے غلبے اورمرجعیت کے باوجودشیعوں نے جنازے اٹھائے مگرعلماء نے صبرکادرس دیافقہ وفقاہت کاگھرانہ آل حکیم مکمل طور پر شہید کیا گیا مگرمرجع عالیقدرسیدمحسن حکیم نے انتقام اور قیام کاحکم نہیں دیا،عراق کی مرجعیت نے ٣٠سال کاعرصہ آمریت کے سائے میں صبرسے گذارا، شہیدباقرالصدر جیسے عظیم مفکراسلام کاجنازہ اٹھایا مگر صبر کی تلقین جاری رہی اوریہ صبرکی تلقین نہ صرف آمریت کے دورمیں ہی تھی بلکہ آج بھی جب آمریت کاخاتمہ ہوچکاہے تب بھی شیعت کے غلبے،شیعہ حکمرانی اور مرجعیت کے باجودآئے دن جنازے اٹھائے جارے رہے ہیں مگرعراقی مرجعیت اورسیاسی مذہبی رہنماؤں کی صبر کی تلقین ہے۔
عراق کی طرح پاکستان میں بھی ہمارادشمن چھپ کرسازش کررہاہے سامنے میدان پرنہیں آرہااب اگرقوم کوانتقام کاحکم دیاجائے توہماری قوم جوابی نشانہ کسے بنائے ؟ اگرآپ کرائے پراستعمال ہونے والے چند چہروں کی نشاندہی کرتے ہیں تویہ کرائے کے قاتل ہیں ایک کوختم کریں گے دوسراکوئی کرائے پراستعمال ہوسکتا ہے ، اصلی دشمن کوئی اورہے اس اصلی دشمن تک رسائی کے لئے تدبیراوردوراندیشی کی ضرورت ہے اوردشمن کے چہرے کوبے نقاب کرکے اسکاپاکستان سے خاتمہ کرنا ہمارا اصلی ہدف ہے لہذاجس طرح سیدہ زینب کبریٰ نے یزیدیت کے چہرے کوبرملاکرنے اور ختم کرنے کے لئے مصائب برداشت کئے ہم بھی اپنے دشمن کوشکست دینے کے لئے مصائب برداشت کرتے ہوئے صبرحوصلہ اورتدبیرکے ساتھ دشمن کی تمام ترسازشوں کامقابلہ کریں گے ، جس طرح کہ ١٩٤٨ء سے لے کر آج تک ان سازشوں کامقابلہ کرتے آرہے ہیں اور آج بھی ان سازشوں کامقابلہ کررہے ہیں ۔پاکستان کے حالات پر بہرحال ہم سے بہتر اوروسیع نظر قائدانقلاب اسلامی حضرت آیة العظمیٰ سیدعلی خامنہ ای کی ہے اوروہ بھی پاکستانی قوم کودشمن سے محاذآرائی کے لئے صبروتحمل اورتدبیرکی تلقین فرما رہے ہیں لہٰذا ضرورت اس امرکی ہے کہ قومی دھارے سے منسلک رہ کراتحاد و وحدت کے ساتھ دشمن کامقابلہ کریں اوردشمن کی سازش کے مقابلے کی روش اورطریقہ کار کے لئے انانیت کو ختم کرکے اکثریتی فیصلہ پرعمل کیاجائے تو آسانی سے اپنے ہدف تک پہنچ سکتے ہیں۔